個案分享
個案三十四 陳伯伯
【2024年2月經安老院轉介服務，入住觀塘區一私營院舍】「爸爸跌倒後，起唔到身，需要人照顧……我又要返工啦，屋企其他兄弟姊妹又結咗婚，變咗照顧方面就有啲困難。」
本來行動自如的陳伯伯，假日時還會與家人相約外出吃飯，但早前在家中跌倒後，生活從此改變了。由於伯伯年歲已高，住院卧床久了，腳的關節亦隨之而變得僵硬，令他行動不如從前，「佢唔可以自己起身，需要人照顧﹔佢原先係同我媽咪同住嘅，但媽咪自己都老啦……我又要返工啦，屋企其他兄弟姊妹又結咗婚，變咗照顧嗰方面就有啲困難啦！」Billy無奈地說。
在伯伯臨出院之際，醫務社工了解到Billy及伯伯的情況，「就建議我哋去用院舍服務，話照顧爸爸會好啲，比較適合我哋個情況。」話雖如此， Billy內心卻一片茫然﹕「宜家外間有好多老人院，初時都有自己去睇過，但間間都差唔多，我又唔知啲院舍個質素、情況，譬如邊啲好定唔好，變咗一直都未決定到。」後來，Billy經醫務社工認識到長者家的安老院轉介服務，「佢話呢度可以幫到我，我就透過WhatsApp、打電話搵到彭生去處理我個個案，佢因應我住邊區、Budget幾多、對服務及環境嘅要求，去同我睇咗七至八間，睇咗好幾次後，最尾就揀咗呢度，因為比較近我，方便我探爸爸。」
Billy與家人表示非常滿意陳伯伯現居院舍的環境，並道﹕「好多謝彭生同長者家啦，好幫到手，始終經常幫老人家搵院舍，對院舍嘅了解一定比我哋深﹔除咗能夠提供院舍資訊外，仲將可以幫到我哋嘅支援都介紹俾我，例如睇醫生有咩接送等等，變相幫我慳返好多時間。」
後記：訪談後，得知任職船務文員的Billy，在分身不暇的日子裡，仍然經常抽空在自己的休息時間前來院舍探望爸爸，讓爸爸住在院舍，也有家人如常陪伴左右的感覺，筆者聽見也感到暖心。