個案分享
個案三十二 盛先生
【2023年8月經安老院一站通轉介，入住觀塘區一私營院舍】「我老公扭親隻腳、碎咗骨，喺醫院卧床差唔多3個月，出院後變得行動唔方便，如果要我全天候顧佢，我諗我體力都唔得。」
即將75歲的盛先生，於今年年中因腳傷引致碎骨，需住醫院將近三個月，全程卧床休息，令他行動能力大不如前。及至出院時，在情急下經醫院社工申請入住黃大仙區一所老人院作過渡期。雖然只是短短42天，「但院舍同屋企嘅位置都較為隔涉，我去要搭兩程車，返嚟又要兩程車，其實都好疲累，好頻撲……」盛太無奈地說。
有天，盛太與友人傾訴當前的難題，「我朋友佢俾咗長者家電話我，再認識張姑娘，翌日佢已經約我，直情帶我去睇院舍環境。我都好彩啦，張姑娘幫我搵到間院同我住嗰座樓好近」盛太懷著感恩之心，但亦表示因丈夫久未活動，膝頭無力需接受步行訓練，「喺呢啲地方(老人院)，我又覺得有姑娘可以幫到佢，亦都幫到我啦！」
現時，盛太與囡囡每天前來探望。「正因呢度近屋企，可以帶佢返去hea吓、望吓、聞吓屋企陣除或者出去飲吓茶……如果之前喺黃大仙嗰邊嘅話，每次帶佢返屋企都要搭的士，對我哋嚟講真係『好重皮』。」此時，連盛先生都打破沉默加入了對話：「屋企附近有個平台以前成日去，太耐冇去啦，佢(太太)就可以推我四圍行下囉」。盛太對院舍位置及環境非常滿意，並再次感謝長者家及張姑娘幫忙解決燃眉之急，亦希望丈夫能夠慢慢把雙腳訓練好，一直健康下去。
後記﹕盛太於訪問期間多次感激及表示自己幸運地遇到張姑娘及長者家，於短時間內能為丈夫安排到一間環境友善的老人院。除此之外，囡囡更向筆者笑言：「爸爸今日因為妳喺度，先肯用四腳步行架練習，平時佢只肯用普通拐扙作輔助做訓練，好難先叫得聽。」能夠見證盛先生得到適切照顧，盛太與囡囡也能如常陪伴相處，作為長者家同工都感到安心。