個案分享

【2020年4月經安老院轉介服務，入住油尖旺區一私營院舍】

「原本我同好多屋企人一樣，好抗拒送老人家入住老人院。驚爸爸唔鍾意，以為屋企人離棄佢。但我哋唔可以成日照顧佢，驚再發生任何意外……」

「爸爸以前住喺屋企時，身體一直唔太好。因為氣喘嘅緣故，平均一個月要叫2-3次救護車。有一次，爸爸打電話向我求救，但當時我趕唔到返去，嗰一刻真係好驚……」羅小姐諗起都心有餘悸。幸好伯伯體諒家人嘅難處，羅小姐跟家人幾番商量後就決定搵間質素好嘅老人院。碰巧遇上長者家的許姑娘，幫忙替羅伯伯搵到適合佢需要護理程度嘅院舍，並協助申請政府資助，令院費控制喺家人嘅能力範圍之內。「入住院舍後，我就放心好多。而家有院舍姑娘全天候24小時去照顧佢，又比佢自由活動。爸爸喺度住得開心之餘，身體亦比以前好咗。」羅小姐和伯伯相視而笑。最後，羅伯伯仲好開心地說自己間房夠光猛，而且房間裏安裝了電視機，夜晚瞓唔著時就煲劇。

後記：羅小姐去探望伯伯時，除咗準備好多日常用品，例如：口罩、棉花棒同埋外套，仲叮囑伯伯要小心身體，需要什麼日常用品就講，唔好慳！連小編都感受到羅小姐對伯伯濃濃嘅關心！